Hochzäitsfotoen: Dir sidd zu 2 an zu 2 sidd dir eppes ganz Besonnesches !

Mam Wëssen, dass Dir Iech geschwënn d‘Jowuert gitt, ass eng ganz besonnesch Zäit, di Dir elo verbréngt. Ären Dag soll wonnerschéin an onvergiesslech ginn. Mat eisen Hochzäitsfotoen erënnert Dir Iech och no Joren un di wichteg, di romantesch an och un di lëschteg Momenter. Hei e kuerzen Iwwerbléck iwwert onse Service:

  • D‘Fotoreportage ass agedeelt a verschidden Etappen:„Pre-Wedding Shooting“ - Preparatiounen - Zeremonie Gemeng a Kierch - Receptioun - Fest - Portraits - Trash the dress - Knipskescht.


  • Gäre begleede mir Iech de ganzen Dag, vu moies fréi bis owes spéit - sou kritt Dir eng duerchgehend Reportage vun Ärem groussen Dag.


  • No der Hochzäit këmmere mir eis ëm de Choix vun deene schéinste Biller, déi alleguer beaarbecht a verschéinert ginn. Wann Dir spéider zousätzlech bei enger Foto en Extra-Wonsch hutt, erfëlle mir Iech dee gären.

  • Dir hutt d‘Méiglechkeet, Är Fotoen an héijer Opléisung ze bestellen (digital Daten via Download).

  • No der Hochzäit dauert et an der Regel ca. 3-4 Wochen, bis Dir Är Fotoen hutt.

  • An eiser Gamme vun Hochzäitsalbume fannt Dir bestëmmt Äert perséinlecht Schmockstéck, wat Dir iwwer Joren ewech gären ukuckt.

  • Beim "Trash the dress", oder wéi mir gäre soen: "Celebrate the dress!", hudd Dir d‘Geleeënheet, Ären „Dress“ eng zweete Kéier auszeféieren, Iech doran richteg auszetoben an dobäi portraitéieren ze loossen.


Ons ass et wichteg, di ganz eegenen Ambiance vun Ärem groussen Dag anzefänken an di wichteg Momenter mat Iech ofzestëmmen. Kontaktéiert eis fir en onverbindlecht Virbereedungsgespréich.